लव लैटर

जब भी म्यारु दिल उदास होन्दु
जब मी भारी दुःख होन्दु
तब मी वींकु दियूँ लव लैटर
पौढ़ी देन्दु।
अर पौढ़ी की ऊ लव लैटर
मि खित हैंसी जांदू।
लव लैटर पौढ़ी की मी
ऊ जमानु याद ऐ जांद
जब स्कूल मा...
किताबों से ज्यादा !
वींकु मी फर अर म्यार वीं फर
रौंद छौ ध्यान,
वे टैम फर वा अफ थै काजोल
समझदी छै ,
अर मी सलमान खान।
हालत यु छन वर्षो बाद
उ सलमान खान दिल्ली मा
भांडा मजाणू च ,
अर काजोल सरकरी ध्याड़ी कनी च।
निर्भगी माया निर्भगी माया
न त्वे जनै छाया, न मी जनै छाया
न त्वेन कुछ पाया न मैन कुछ पाया।
अतुल गुसाईं जाखी (सर्वधिकार सुरक्षित)