वा घस्यारी...

व घस्यारी नि दिखेन्द
अब डॉडि-काठ्यूॅ मा,
उकाळ,उंदार, बाटा-घाटों मा,
ज्वा!
छुणक्याळी दाथुड़ी
ले कि आन्दी छै, बणों मा।।
अर्बी घास कटदी छै,
अर गीत लगान्दी छै
ज्वा चाठौं- पाखों मा।।
शायद वींकि-
दाथुड़ी ख्वींडि ह्वे गै होली,
या दाथुड़ी हरची गै होली,
या फिर-
वींन गोर-भैसा बिकैयाली होला
या फिर वा-
दूर चली गै होली परदेश
अपणा स्वामी का संग मा।।
सुचणू च पतरौळ
बांजा हुयां छन,
छन, मरूड़ी, गौऊ खोळ,
यखुली-यखुली भटकणू च,
बणों मा आज पतरौळ ।।
अतुल गुसाईं जाखी (सर्वाधिकार सुरक्षित)

हे मेरी आंख्युं का रतन..

हे मेरी आंख्युं का रतन बाला स्ये जादी,बाला स्ये जादी दूध भात दयोलू मी ते तैन बाला स्ये जादी-२ हे मेरी आंख्युं का रतन बाला स्ये जादी-४ मेरी औंखुडी पौन्खुड़ी छै तू, मेरी स्याणी छै गाणी मेरी स्याणी छै गाणी मेरी जिकुड़ी उकुड़ी ह्वेल्यु रे स्येजा बोल्युं मानी स्येजा बोल्युं मानी

ईश्वर इन सबकी आत्मा को शांति प्रदान करे...

पौड़ी जिले के धुमाकोट के निकट--मिनी बस 28 सिटर में 55 सवारी थे।। हादसे मैं सभी की मौत,, बताया जा रहा है एक ही परिवार के 11 लोग इस बस मैं थे। ईश्वर इन सबकी आत्मा को शांति प्रदान करे।।।

बाॅलीवुड के मशहूर सिंगर और उत्तराखण्ड की शान ...

बाॅलीवुड के मशहूर सिंगर और उत्तराखण्ड की शान जुबिन नौटियाल जो कि आजकल एक विवादों में फसे हैं। उन पे एक लडकी ने छेडखानी का आरोप लगाया है वो भी उन के बर्थडे पार्टी जब उन के परिवार के सारे सदस्य उन के साथ थे और पूरा रेस्टूरेंट उन्होने बुक कराया था। जिस लडकी ने उन पे छेडखानी का आरोप लगाया है उस के लिए कोई निमं़त्रण नहीं था। जब उस लड़की के लिए कोई निमंत्रण ही नहीं था फिर वो और उस का साथी वहा किस लिए सामिल हुए ये सोचने के लिए मजबूर करता है। मुझे नहीं लगता कि कोई अपने परिवार के सामने इतनी गिरी हुई हरकत करेगा वो भी एक सूपर स्टार । मैने कल जुबिन भाई से काफी लम्बी बात की उस दिन क्या हुवा था कैसे हुवा सब, मुझे नहीं लगता कि उन्होने ऐसी हरकत की होगी। वो भी वो शक्स जिसके रक्तों में गढ़वाल का खून दौड़ रहा वो, वो अपने परिवार वालों के सामने ऐसी हरकत नहीं कर सकता है।

श्रदांजलि और नमन लोकगायक स्वर्गीय पप्पू कार्की जी को

फिटगार..

पयाॅ कि डाळि मा हिता कु वास
कुळे मा सीता कु वास,
पीपळ मा विष्णू, केळा मा गणेश,
देवदार मा देवी, चॅदन मा नाग,
बाॅजा डाळी तैळ काळी कु वास,
बुरान्सा डाळी तैळ पिटुळी कु वास,
भ्यॅूल मा भैरव, ग्वीराळ मा गुरील,
नासपती मा नरसींग, भेडू मा वीर,
अर सुरैई डाळी मा शिव छन बस्याॅ।
अब तुमन डाळी कटणें, त काटी ल्या
पर कटण से पैली जरा सोची ल्या!
या देवभूमी च, हर डाळी मा
देवतों कु वास, अर देवतों कू बौल्यूॅ
डाळी नि कट्याॅ!
आजकल मेरू लगणू बडू फिटगार।।
अतुल गुसाईं जाखी (सर्वाधिकार सुरक्षित)

Masteron ka Haal BY Atul Gusai Jakhi

मगरों मा पाणी नी....

मगरों मा पाणी नी
नवोळा सूखी गैनी
काटी की डाळी बोटी
खेती-बाड़ी रौड़ी गैनी।।

डाॅड्यों मा अंयार नी
कांठियों मा बुरान्स नी
काटी की डाळी-बोटी
खाली धार टरकणा छन।।

रौला-गदिना औन्दा नी
छोया दुळौ फुटदा नी
बसग्याळ अब लगदू नी
कुयेड़ी अब चलदी नी।।

बिन पाणी फूल खिलदा नी
पुंगड़ो नाज हूणू नी
काटी की डाळी बोटी
खेती-पाती बांजा छन।।

पहाड़ ह्वे गे निरपाणी
सिमार कखी बड्दू नी
काटी की डाळी बोटी
फुलंगो अब फुल्दो नी।।

पौन अब चलदू नी
छैलू कखी दिखेन्दू नी
काटी की डाळी बोटी
बटोई चैरी बैठदू नी।।

हैरू घास जमदो नी
फ्यूंली पाखों खिलदी नी
लगे की बणों मा आग
गौड़ी-भैसी रमणा छन।।

काग अब करांदू नी
घुघती कखी घुरान्दी नी
लगे की बणों मा आग
चखुलों का घोल हरची गिन।।

काटी की डाळी बोटी
ढ़ौडा-धारा रौड़ी गैनी
लगे की बणों मा आग
खेन्दुड़ा-चखुला दौड़ी गैनी।।

फिर भी विणास कनू
वणों कू हरास कनू
काटी की डाळी बोटी
मनखी अपणो ही नाष कनू।।
अतुल गुसाईं जाखी (सर्वाधिकार सुरक्षित)

मंदिर मस्जिद बैर कराते मेल कराती मधुशाला...

मंदिर मस्जिद बैर कराते

मेल कराती मधुशाला।।

रावत जी को मेरा धन्यवाद और शराबियों कि तरफां वटी आशीर्वाद, आज हरिवंशराय बच्चन अर गालिब की आत्मा थै शान्ति मिली गै होली।

जाहिद शराब पीने दे मस्जिद में बैठ कर

या वो जगह बता दे जहाॅ पर खुदा नहीं।
लोग त नौ धरदा ही छन लेकिन आपन बहुत अच्छू काम करि परचून की दुकान थै मधुशाला बणें की। बड़ी दिक्कत होंदी छै बजार जाण मा किराय भी ज्यादा लगदू छौ आण जाण मा अब द्वी रूप्या ज्यादा लगी जौ क्वी बात नीच पर अपणा घौर मा त मिली जाली, अर जु रूप्या आण जाण मा खर्च होंदू छौ वेकी हम कचमोळी बड़ोला। उन भी बजार मा सज नि आंदू छौ पीणा कु अर मत्थी बटी पुलिस ओळू कि डैर भी लगदी छै। स्कूली नौना ता डौरा कु पेन्दा भी नि छा। शायद उं थै शरम लगदी छै ठेक्का मा जाण। आप बधाई का पात्र छां अब त शरम भी नि लगली और कैकि डौर भि ना , परचून कि दुकान मा क्या पता चलणू च कि हम दारू कु जयां कि राशनी कू। उन भी दुनियां झूठी ह्वे गे एक झांजी ही च जु सच बोलदू अर सच्च लेखदू

सच थै ज्यूंदु रखणा का वास्ता आपन बहुत अच्छू कमद उठे। जु आपकु विरोध कना छन शायद उन दारू नि पे। तभी ता!!!!!
वो आदमी तुम्हे बदनाम कर रहा है

मी लगणू वेन आज तक दारू नि पे।
बस येका बाद एक काम और कैरी दियां शराबियों की फेमली पेंसन लगे दियां ।। बाकी आप समझदार छा। क्य बोन तब!!!!!

अतुल गुसांई जाखी

भैजी का ब्यो मा पौणे नाच

भैजी का ब्यो मा पौणे नाच
मिन त करण घर्या नाच
देशी भैजी तेरू देशी नाच
यख नि चलण सोच ले आज
यख नि चलण बींगी ले आज।

ढोल्या काका जरा तचो ढोल
औवजी काका जरा तचो ढोल
बारह (12) कसणी कसके दे
ढोल दमौ मा नचे दे।।
भैजी का ब्यो मा ...

मसगा भैजी तेरू मषकबीन
मसगा दिदा तेरू मषकबीन
बजे दे खुद लगीं, सुणे दे खुद लगीं
बारह मैनों का बारह रीत
बजे दे माया का गीत।
भैजी का ब्यो मा...

रंग मयळी या मेहंदी रात
मेहन्दी लगाण मिन भी हाथ
सुण रे दिदा मेरी बात
टिकुली बिन्दुली मिन मुलाण
मिन भी अफकू ब्योली खुज्याण।
भैजी का ब्यो मा ...

गेडू दाळी कू बारी भात
लरक -तरक ह्वे गे गात
बामण बोडा को जसिलो हाथ
रस्याण आई पौणे भात
भैजी का ब्यो मा आईं रस्याण
चल रे बौजी बरात पैठाण।

अतुल गुसांई जाखी

भूली-बिसरी बाटू बिरडी कभी मी थै देखी जै

भूली-बिसरी बाटू बिरडी कभी मी थै देखी जै तू।
त्यारा ही दियाँ जु घौ छन दगड्या ऊ सेकी जै तू।।
कन क्वे बताण त्वे मा, कि कन छन हाल मेरा ।
ल्वींठो माटु ले कि ऐ अर मेरा दुःखों लीपि जै तु।।
आँखी हुयां लाल तेरी खुद का भोर लाटी।
वक़्त मिललु कभी त, अपणी खुद टीपि जै तू।।
दोष लग्यां छन तेरी बाडुळि म्यार गौळ मा।
टक्क लगैकी ऐ ,अर यूँ बाडुळि पूजी जै तू।।
दिन कम ही छन ई ज्वानि का गैल्या रे...
दिन मिललु कभी त, मुखजथरु देखी जै तू।।
अतुल गुसाईं जाखी (सर्वाधिकार सुरक्षित)

सोशल मीडिया पर तेजी से वायरल हो रही है पोस्ट कार्ड पर छपी ये ‘ब्यौ की चिठ्ठी’

सोशल मीडिया पर तेजी से वायरल हो रही है पोस्ट कार्ड पर छपी ये ‘ब्यौ की चिठ्ठी’: सोशल मीडिया एक माध्यम है जहां पर कोई भी चीज तेजी से वायरल हो जाती है .... अमूमन शादी के कई कार्ड भी सोशल मीडिया पर वायरल हुए हैं ... किसी ने खाने को बचाने के लिए संदेश दिया ...किसी ने स्वच्छ भारत का तो किसी ने बेटी बचाओ बेटी पढ़ाओं का ... लेकिन आज हम आपको जो कार्ड दिखाने जा रहे हैं वो सबसे अनोखा है .

होली त ए गे पर... हुल्यार ... | गढ़वाली कविता | अतुल गुसांई "जाखी" |

होली त ए गे पर... हुल्यार ....

https://www.youtube.com/watch?v=3piiCjLMR-8&feature=youtu.be

टुप सियां छन...

टुप सियां छन
कई योजना
सरकरी फाईलों मा
झणी!
कब आली
रोड़, बिजली पाणी
मेरा गौं मा।
अतुल गुसाॅई जाखी

क्य बोन तब !!!

मेरा गौं मा
रोड़ आणी अब
गौं का लोग
पलायन ह्वे गिन जब
क्य बोन तब !!!