भैजी का ब्यो मा पौणे नाच
मिन त करण घर्या नाच
देशी भैजी तेरू देशी नाच
यख नि चलण सोच ले आज
यख नि चलण बींगी ले आज।
मिन त करण घर्या नाच
देशी भैजी तेरू देशी नाच
यख नि चलण सोच ले आज
यख नि चलण बींगी ले आज।
ढोल्या काका जरा तचो ढोल
औवजी काका जरा तचो ढोल
बारह (12) कसणी कसके दे
ढोल दमौ मा नचे दे।।
भैजी का ब्यो मा ...
औवजी काका जरा तचो ढोल
बारह (12) कसणी कसके दे
ढोल दमौ मा नचे दे।।
भैजी का ब्यो मा ...
मसगा भैजी तेरू मषकबीन
मसगा दिदा तेरू मषकबीन
बजे दे खुद लगीं, सुणे दे खुद लगीं
बारह मैनों का बारह रीत
बजे दे माया का गीत।
भैजी का ब्यो मा...
मसगा दिदा तेरू मषकबीन
बजे दे खुद लगीं, सुणे दे खुद लगीं
बारह मैनों का बारह रीत
बजे दे माया का गीत।
भैजी का ब्यो मा...
रंग मयळी या मेहंदी रात
मेहन्दी लगाण मिन भी हाथ
सुण रे दिदा मेरी बात
टिकुली बिन्दुली मिन मुलाण
मिन भी अफकू ब्योली खुज्याण।
भैजी का ब्यो मा ...
मेहन्दी लगाण मिन भी हाथ
सुण रे दिदा मेरी बात
टिकुली बिन्दुली मिन मुलाण
मिन भी अफकू ब्योली खुज्याण।
भैजी का ब्यो मा ...
गेडू दाळी कू बारी भात
लरक -तरक ह्वे गे गात
बामण बोडा को जसिलो हाथ
रस्याण आई पौणे भात
भैजी का ब्यो मा आईं रस्याण
चल रे बौजी बरात पैठाण।
लरक -तरक ह्वे गे गात
बामण बोडा को जसिलो हाथ
रस्याण आई पौणे भात
भैजी का ब्यो मा आईं रस्याण
चल रे बौजी बरात पैठाण।
अतुल गुसांई जाखी
No comments:
Post a Comment