मोदी जी कु भारत सफाई अभियान

आम आदमी कू झाडू छीनी।
कांग्रेस कु गांधी रे।।
भारत कु ध्यान छीनी।
चलण वटी गे मोदी जी कू,
सफाई अभियान रे।।
सिर्फ नौ आदिम न,
पूरा मुल्क लगावा जान रे,
सफल होलू तब, मोदी जी कू,
सफाई अभियान रे।।
नौ आदिम तुम भी जोड़ा
नौ हम भी जोड़ाला,
कसम खावा गन्दगी
कखी नि फ़ैलौला।।
गौऊ ग्वीना साफ होला
नंगी खुट्टी कखी भी जौला,
साफ रौला स्वस्थ रौला।
सुबेर होली सबों कु भोला।
बस निवेदन च
ये गरीब गुसाईं कू ..
इन नि बुल्यां सफाई कनू कू
मी कु नि बोला।।
अतुल गुसाईं जाखी(सर्वाधिकार सुरक्षीत)