पांच पंच उत्तराखंड का..

उत्तराखण्ड का पांच पंचू मा
पैलू पंच पौडी बटी,
बडू ईमानदार च बल।
नेपालियों कू मायादार च बल।।
दुसरों पंच हरीद्वार बटी,
पौंछियों गळिदार च बल।
सफलता का अचूकमन्त्र छन येमा,
पटियाला सूटा कु बोल्दू,
यू चुडी दार सुलार च बल।।
तिसरी पंच टेहरी बटी...
लक्ष्मी अवतार च बल।
दया दान कुछ नि करदी,
भीतर पैसों कु भण्डार च बल।।
चौथू पंच अल्मोड़ा बटी...
बड़ो भारी ठेकदार च बल,
उत्तराखंड मा कबि कभार आन्दु
उत्तराखंड वेकू ससुराल च बल।
पांचो पंच क्य बोन......
जैका काम खोजी खोजी
आज तक नि मिलिनी
ऊ भगत दा च बल।।
अतुल गुसाईं(सर्वाधिकार सुरक्षित)